أطهر محبه ...

أطهر محبه ..



جنبت عن دربك وأنا ميت ن فيك
كله على شانك تظلي شريفه


من زود حبي فيك أببعد وأخليك
ولا فيه عاشق يبتعد عن وليفه


وإليا نويت أقرب مع بابك آجيك
مير انتظر وعد النقل بالوظيفه


ماني من أصحاب الطيق والشبابيك
وأهل القلوب الفارغه والخفيفه


عشقي نظيف وطاهر القلب ينبيك
بأطهر محبه والنوايا نظيفه


من دون لا أشوفك ولاألامس إيديك
سمعتك عندي طاهره يالعفيفه


ابفعل الاسباب وأحلمك وأرجيك
وأصون قلبي بالسيوف الرهيفه


والدبله اللي تنتظر ناعم إيديك
شريتها من قبل عام ونصيفه


وألحين من زود المحبه بخليك
كله على شانك تظلي شريفه



ثامر بن سعيد