البس الثوب ياللي كل عمرك وهم + صوتية / مصافحة أولى

كل الاحلام كذبة لـي نسجهـا الخيـال
إلبس الثوب ياللـي كـل عمـرك وهـم

عبرتـي فـوق خــدي خلدتـهـا اللـيـال
والشقى سَم روحـي وارتويـت النـدم

أشرب الهم واتنـا مـن سرابـي زلال
والأســى يعتـبـرنـي للـمـعـانـي قــلــم

والحيـاة تركتنـي والممـات استـحـال
وش تبـي يـا عـذابـي ياقـيـاد العـشـم

ياغـشـيـم المـشـاعـر مابـكـيـنـا دلال
ولا هجرنـي حبـيـب ولا حبـيـبٍ ظـلـم

ليت بوحـي وطرقـي لابسـات الجـلال
كان شيِفت جروحي ما حواها العدم!

غابت الشمس يالله يالغصون النحال
هـاك سـرب العبايـر والقهـر والألــم