أمي كم_أعشق_إبتسامتكـ #اللهم_أحفظها_لى

من طرف **طارق الشوق** 16.12.13 19:42

عن تلكـ اللحظه لما تكلم مع أمكـ بصوت عالى ونرفزة وتقف بعيد عنها بشوية وتلاقيها بتكلم نفسها وبتشتمكـ تبصلها وتبتسم وتقول فى بالكـ إزاى من غيرها دى كنت أقدر أعيش
أو لما تكون قاعد أنت وهى وتبص عليها من غير ما تاخد بالها وتلاقيها سرحانه وبتفكر فى حاجه وإنت واثق إن اللى بتفكر فيه ده علشانكـ إنت أو علشان حد من إخواتكـ تقوم مبتسم إبتسامه خفيفه كده وتقول إزاى من غيركـ كنت هقدر أعيش
أو لما تكون مخنوق ومضايق وتبصلها تلاقيها فرحانه وسعيده ومن مجرد بصه منها عليكـ تعرف إنت زعلان ولا لأ وتيجى تسألكـ مالكـ تقوم إنت يصعب عليكـ إنكـ تضيع فرحتها وسعادتها وتقولها مفيش سرحان بس مش أكتر
مش معنى إنى بزعق معاها وكده يبقى أنا مبحبهاش أو قلبى قاسى عليها بالعكس يمكن أمى هى أكتر حد لما بزعلها بحس إنى مضايق مووووت
بس الواحد والله فعلاً مهما بيكون بيزعق وكده بيكون من جواه كل حب وحنية وطيبه ليها
اللهم أفرح كل شخص يتيم ليس له أم